தலைமை ஆசிரியர் மகனை தாக்கியவர் கைது

திருச்சி இ.பி.ரோடு கமலா நேரு நகரை சேர்ந்தவர் சந்தானம் (வயது 54). இவர் திருச்சியில் உள்ள ஒரு தனியார் மேல்நிலைப் பள்ளியில் தலைமை ஆசிரியராக பணியாற்றி வருகிறார். சம்பவத்தன்று இரவு அவரது வீட்டின் முன்பு சிலர் வெடி வெடித்தனர். இதை சந்தானத்தின் மகன் அஜய் குமார் தட்டி கேட்டார். அப்போது அவரை சிலர் தாக்கியுள்ளனர். இதில் காயம் அடைந்த அஜய் குமார் மருத்துவமனையில் சிகிச்சைக்காக சேர்க்கப்பட்டார். இது குறித்து தலைமை ஆசிரியர் சந்தானம் கொடுத்த புகாரின் பேரில் கோட்டை போலீசார் வழக்குப்பதிவு செய்து அதே பகுதி சேர்ந்த ஜெகதீஸ்வரன் (19) என்பவரை கைது செய்தனர். மேலும் சிலரை தேடி வருகின்றனர்.