கார் கதவில் மோதி மோட்டார்சைக்கிளில் வந்த முதியவர் பலி

அம்பை:

கார் கதவில் மோட்டார்சைக்கிள் மோதியதில் முதியவர் இறந்தார்.

முதியவர்

நெல்லை மாவட்டம் கல்லிடைக்குறிச்சி பெரிய பள்ளிவாசல் தெருவைச் சேர்ந்தவர் அபூபக்கர் (வயது 70).

இவர் தனது மோட்டார் சைக்கிளில் நேற்று மாலை அம்பை சென்று விட்டு வீரப்பபுரம் தெரு வழியாக வீட்டிற்கு வந்து கொண்டு இருந்தார்.

சாவு

அப்போது அங்கு நின்று கொண்டிருந்த கார் கதவை திடீரென உள்ளிருந்த நபர் திறந்ததால் நிலை தடுமாறி மோதி அபூபக்கர் கீழே விழுந்தார். இதில் தலையில் பலத்த காயம் ஏற்பட்டு ரத்தம் கொட்டியது.

உடனே அருகில் இருந்தவர்கள் அவரை மீட்டு அம்பை அரசு மருத்துவமனைக்கு கொண்டு சென்றனர். அங்கு சிகிச்சை பலன் அளிக்காமல் உயிரிழந்தார்.

இதுகுறித்து கல்லிடைக்குறிச்சி போலீசார் விசாரணை நடத்தி வருகின்றனர்.