வாலிபரை கத்தியை காட்டி மிரட்டியவர் கைது

மதுரை மீனாட்சி நகர் கேட்லாக் ரோடு ராஜீவ் காந்தி தெருவை சேர்ந்தவர் சுந்தரபாண்டியன் (வயது 20). சம்பவத்தன்று இவர் ஜெய்ஹிந்த்புரம் நேதாஜி தெரு 7-வது குறுக்கு தெருவில் நடந்து சென்று கொண்டிருந்தார். அப்போது அவரை 2 பேர் வழிமறித்து கத்தியை காட்டி கொலை மிரட்டல் விடுத்தனர். இந்த சம்பவம் குறித்து சுந்தரபாண்டியன் ஜெய்ஹிந்த்புரம் போலீசில் புகார் செய்தார். போலீசார் வழக்குப்பதிவு செய்து ஜெய்ஹிந்த்புரம் நேதாஜி தெரு வீரபொம்மு, அதே பகுதியை சேர்ந்த பாண்டியராஜன் (47) ஆகியோர் மீது வழக்குப்பதிவு செய்து பாண்டியராஜனை கைது செய்தனர்.