திருமணம் செய்வதாக கூறி சிறுமியை பாலியல் பலாத்காரம் செய்தவர் கைது

மதுரை ஆரப்பாளையம் மேலப்பொன்னகரம் 2-வது தெருவை சேர்ந்தவர் கோபிநாதன் (வயது 21). இவர் 16-வயது சிறுமியை காதலித்து வந்தார். மேலும் அவரை திருமணம் செய்து கொள்வதாக ஆசை வார்த்தை கூறி பாலியல் பலாத்காரம் செய்ததாக கூறப்படுகிறது. இதுகுறித்து சிறுமி மதுரை தெற்கு மகளிர் போலீசில் புகார் அளித்தார். அதன் பேரில் போலீசார் போக்சோ சட்டத்தின் கீழ் வழக்குப்பதிவு செய்து கோபிநாதனை கைது செய்தனர்.