தொழிலாளியிடம் பணம் கேட்டு மிரட்டியவர் கைது

தூத்துக்குடி வடபாகம் போலீஸ் இன்ஸ்பெக்டர் பிரேம் ஆனந்த் தலைமையில் சப்-இன்ஸ்பெக்டர் மாணிக்கராஜா மற்றும் போலீசார் ரோந்து பணியில் ஈடுபட்டு இருந்தனர். அப்போது, கருப்பட்டி அலுவலகம் சந்திப்பு அருகே சென்ற தொழிலாளி ஒருவரை கத்தியை காட்டி மிரட்டி பணம் கேட்டு தகராறு செய்ததாக, தூத்துக்குடி பூபாலராயர்புரத்தை சேர்ந்த லூர்துசாமி மகன் ஜெர்விந்த் (வயது 24) என்பவரை போலீசார் கைது செய்தனர். தொடர்ந்து வடபாகம் போலீசார் வழக்கு பதிவு செய்து விசாரணை நடத்தி வருகின்றனர். கைது செய்யப்ப்டட ஜெர்விந்த் மீது ஏற்கனவே கொலை முயற்சி உள்ளிட்ட 12 வழக்குகள் நிலுவையில் உள்ளது குறிப்பிடத்தக்கது.