தீயில் எரிந்து குடிசை நாசம்

கபிஸ்தலம்:

கபிஸ்தலம் அருகே ராமானுஜபுரம் மெயின் ரோடு பகுதியை சேர்ந்தவர் அமுதா (வயது 62). விவசாய கூலி தொழிலாளி. நேற்று மதியம் இவர் தனது குடிசை வீட்டை பூட்டிவிட்டு, அதே பகுதியில் ஆடு மேய்ப்பதற்காக சென்றிருந்தார். இந்த நிலையில் அமுதாவின் குடிசை திடீரென தீப்பிடித்து எரிந்தது. இதை பார்த்த அக்கம் பக்கத்தினர் ஓடி வந்து தீயை அணைக்க முயன்றனர். இருப்பினும் வீடு முழுதுவம் எரிந்து சாம்பலானது. இந்த தீவிபத்தில் வீட்டில் இருந்த ரூ.5 ஆயிரம் மற்றும் பத்திரம், செல்போன், தளவாட பொருட்கள் உள்பட ரூ.50 ஆயிரம் மதிப்பிலான பொருட்கள் எரிந்து சேதம் அடைந்தது. இதுகுறித்து கபிஸ்தலம் போலீசார், தீவிபத்துக்கான காரணம் குறித்து விசாரணை நடத்தி வருகின்றனர்.