ஆயுதத்துடன் பதுங்கியிருந்தவர் சிக்கினார்

மதுரை புதூர் போலீசார் தங்கள் எல்லைக்கு உட்பட்ட பகுதியில் ரோந்து சென்றனர். அப்போது வடக்கு வட்டார போக்குவரத்து அலுவலகம் பகுதியில் போலீசார் சென்ற போது அங்குள்ள புதருக்குள் ஒருவர் பதுங்கியிருப்பதை கண்டனர். உடனே அவரை போலீசார் சுற்றி வளைத்து பிடித்து விசாரித்தனர். அதில் மேலமடை ஆசாரி தெருவை சேர்ந்த பாலமுருகன் (வயது 23) என்பதும், அவர் ஆயுதத்துடன் பதுங்கி இருப்பதும் தெரியவந்தது. மேலும் அவர் ஒருவரை கொலை செய்யும் திட்டத்தில் அங்கு பதுங்கியிருப்பது கண்டுபிடிக்கப்பட்டது. அதை தொடர்ந்து போலீசார் வழக்குப்பதிவு செய்து பாலமுருகனை கைது செய்தனர்.