கஞ்சா விற்ற வாலிபர் கைது

மயிலாடுதுறை திருவிழந்தூர் தீபாய்ந்த அம்மன் கோவில் அருகில் கஞ்சா விற்பனை நடப்பதாக போலீசாருக்கு தகவல் வந்துள்ளது. அதன்பேரில் மயிலாடுதுறை போலீஸ் சப்-இன்ஸ்பெக்டர் சுபஸ்ரீ மற்றும் போலீசார் சம்பவ இடத்திற்கு சென்று அங்கு கஞ்சா விற்பனையில் ஈடுபட்ட ஒருவரை பிடித்து விசாரணை நடத்தினர் . இதில் அவர், மயிலாடுதுறை அருகே மாப்படுகை அண்ணா சிலை பகுதியைச் சேர்ந்த கிறிஸ்துராஜ் மகன் மைக்கேல் ஆண்ட்ரூஸ் (வயது 25) என்பது தெரியவந்தது. இதுகுறித்து மயிலாடுதுறை போலீசார் வழக்குப்பதிவு செய்து மைக்கேல் ஆண்ட்ரூசை கைது செய்தனர். மேலும் அவரிடம் இருந்து 50 கிராம் கஞ்சாவை பறிமுதல் செய்தனர்.