தூக்குப்போட்டு இளம்பெண் தற்கொலை - போலீசார் விசாரணை

சேலம்

சேலம் கோட்டை அண்ணா நகர் பகுதியை சேர்ந்தவர் முகமது ரபிக். இவரது மகள் ஆசிபா (வயது 23). இவர், திருச்சியில் உள்ள ஒரு கல்லூரியில் பி.எஸ்சி. கணினி அறிவியல் படித்துள்ளார். இந்நிலையில், நேற்று மாலை ஆசிபாவின் பெற்றோர் வீட்டில் இருந்து வெளியே சென்றிருந்தனர். இதனால் வீட்டில் ஆசிபா மட்டும் தனியாக இருந்துள்ளார். பின்னர் சிறிது நேரம் கழித்து அவரது பெற்றோர் திரும்பி வந்தபோது, வீட்டிற்குள் உள்பக்கமாக கதவு பூட்டி கிடந்தது. இதனால் சந்தேகம் அடைந்த அவர்கள் கதவை உடைத்து பார்த்தபோது, ஆசிபா தனது துப்பட்டாவால் தூக்குப்போட்டு தற்கொலை செய்து கொண்டதை கண்டு அதிர்ச்சி அடைந்தனர். இதுகுறித்து தகவல் அறிந்த டவுன் போலீசார் சம்பவ இடத்திற்கு சென்று தற்கொலை செய்த ஆசிபாவின் உடலை மீட்டு பிரேத பரிசோதனைக்காக சேலம் அரசு ஆஸ்பத்திரிக்கு அனுப்பி வைத்தனர். அவரது தற்கொலைக்கான காரணம் குறித்து போலீசார் வழக்குப்பதிவு செய்து விசாரணை நடத்தி வருகின்றனர்.