விவசாயி தூக்குப்போட்டு தற்கொலை

பரமத்திவேலூர்

விவசாயி

நாமக்கல் அருகே உள்ள ஆர்.பி. புதூரை சேர்ந்தவர் மாதேஸ்வரன் (வயது 55). விவசாயி. இவர் தனது மனைவி பொன்னி மற்றும் மகள்கள் நித்தியபிரசாதனி (13), ஆனந்தபிரசாதனி (10) ஆகியோருடன் திருச்செங்கோடு தாலுகா, வேலகவுண்டம்பட்டி அருகே உள்ள கணக்கம்பாளையத்தை சேர்ந்த செல்வராஜ் என்பவரது விவசாய நிலத்தை குத்தகைக்கு எடுத்து விவசாயம் செய்து வந்தார்.

இந்தநிலையில் தனது மகளுக்கு விடுமுறை என்பதால் பொன்னி மகள்களை அழைத்துக் கொண்டு மனைவியின் சொந்த ஊரான சேலம் மாவட்டம், அயோத்தியாப்பட்டணத்திற்கு சென்றிருந்தார். கடந்த 2 நாட்களுக்கு முன்பு மாதேஸ்வரன் மனைவிக்கு போன் செய்து விவசாய நிலத்தில் வேலை இருப்பதால் உடனே புறப்பட்டு ஊருக்கு வருமாறு கூறியுள்ளார். அப்போது பொன்னி சில நாட்கள் கழித்து வருவதாக கூறியதாக தெரிகிறது.

தற்கொலை

இதனால் கணவன், மனைவிக்கு இடையே வாய் தகராறு ஏற்பட்டு உள்ளது. இந்தநிலையில் நேற்று காலை இடும்பன்தோட்டம் வழியாக சென்றவர்கள் மாதேஸ்வரன் அவரது குடிசை வீட்டிற்கு வெளியே கயிற்றால் தூக்கிட்டு இறந்த நிலையில் தொங்கிக் கொண்டிருந்ததை பார்த்துள்ளனர். இதுகுறித்து அவர்கள் வேலகவுண்டம்பட்டி போலீசாருக்கு தகவல் தெரிவித்துள்ளனர்.

சம்பவ இடத்திற்கு வந்த போலீசார் மாதேஸ்வரன் உடலை மீட்டு பிரேத பரிசோதனைக்காக நாமக்கல் அரசு மருத்துவக்கல்லூரி மருத்துவமனைக்கு அனுப்பி வைத்தனர். மேலும் சம்பவம் குறித்து வேலகவுண்டம்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.