தேனியில் மாநில செஸ் போட்டிகள்

தேனி கிராண்ட் மாஸ்டர் செஸ் அகாடமி சார்பில் உலக செஸ் தினத்தையொட்டி மாநில அளவிலான செஸ் போட்டிகள் நடந்தன. வயது வாரியாக 4 பிரிவுகளில் போட்டிகள் நடந்தன. இதில் தேனி, திண்டுக்கல், மதுரை, சென்னை உள்பட 12 மாவட்டங்களை சேர்ந்த 100 மாணவ, மாணவிகள் கலந்துகொண்டனர். போட்டிகளை மாவட்ட கலெக்டர் முரளிதரன் தொடங்கி வைத்து, மாணவர்களுடன் செஸ் விளையாடி அவர்களை ஊக்கப்படுத்தினார். ஒவ்வொரு பிரிவிலும் முதல் 5 இடங்களை பிடித்தவர்களுக்கு பரிசு மற்றும் சான்றிதழ்களும், 4 பேருக்கு ஆறுதல் பரிசும் வழங்கப்பட்டது. இதில் மாவட்ட விளையாட்டு அலுவலர் முருகன், தேனி கிராண்ட் மாஸ்டர் செஸ் அகாடமி தலைவர் சையது மைதீன் மற்றும் பலர் கலந்துகொண்டனர்.