சிக்கல் சிங்காரவேலர் கோவிலில் சிறப்பு வழிபாடு

சிக்கல்:

ஆடிமாத கார்த்திகையையொட்டி சிக்கல் சிங்காரவேலர் கோவிலில் சிறப்பு வழிபாடு நடந்தது. இதில் திரளான பக்தர்கள் கலந்து கொண்டு சாமி தரிசனம் செய்தனர்.

சிக்கல் சிங்காரவேலர் கோவில்

புகழ்பெற்ற முருகன் தலங்களில் ஒன்றான சிக்கல் சிங்காரவேலர் கோவிலில் நேற்று ஆடிமாத கார்த்திகையையொட்டி சிறப்பு வழிபாடு நடந்தது. முன்னதாக சிங்காரவேலருக்கு, பால், தயிர், சந்தனம், விபூதி, பஞ்சாமிர்தம், பன்னீர் உள்ளிட்டவைகளால் அபிஷேக, ஆராதனை செய்யப்பட்டு மலர்களால் அலங்கரித்து தீபாராதனை காண்பிக்கப்பட்டது. இதில் திரளான பக்தர்கள் கலந்து கொண்டு சாமி தரிசனம் செய்தனர்.

வேதாரண்யேஸ்வரர் கோவில்

இதேபோல வேதாரண்யம் வேதாரண்யேஸ்வரர் கோவிலில் உள்ள ஆறுமுக கடவுளுக்கும், வெளிபிரகாரத்தில் உள்ள மேலக்குமரருக்கும் அபிஷேக, ஆராதனை செய்யப்பட்டு மலர்களால் அலங்கரிக்கப்பட்டு தீபாராதனை காண்பிக்கப்பட்டது.

கோடியக்காடு அமிர்தகடேஸ்வரர்கோவிலில் அமிர்தகர சுப்பிரமணிய சுவாமிக்கு, தோப்புத்துறை கைலாசநாதர் கோவில், ஆறுகாட்டுத்துறை கற்பகவிநாயகர் கோவில், வேதாரண்யம் நாட்டுமடம் மாரியம்மன் கோவில் உள்ளிட்ட கோவில்களில் உள்ள முருகனுக்கும் சிறப்பு வழிபாடு நடந்தது.