வாக்காளர் பட்டியலில் திருத்தம் செய்ய இதுவரை 17 லட்சம் விண்ணப்பங்கள் சமர்ப்பிப்பு

சென்னை,

வாக்காளர் பட்டியலில் பெயர் சேர்ப்பு மற்றும் திருத்தங்களை மேற்கொள்வதற்காக நவம்பர் 12, 13, 26 மற்றும் 27 ஆகிய தேதிகளில் (சனி மற்றும் ஞாயிற்றுக்கிழமைகள்) 4 சிறப்பு முகாம்களை நடத்த இந்திய தேர்தல் கமிஷன் ஆணையிட்டது.

நடந்து முடிந்துள்ள 4 சிறப்பு முகாம்களையும் சேர்த்து, இதுவரை வந்துள்ள விண்ணப்பங்கள் குறித்து தமிழக தலைமை தேர்தல் அதிகாரி சத்யபிரத சாகு வெளியிட்ட செய்திக்குறிப்பில் கூறப்பட்டு இருப்பதாவது:-

17 லட்சம்

கடந்த 28-ந் தேதிவரை 17 லட்சத்து 2 ஆயிரத்து 689 விண்ணப்பங்கள் பெறப்பட்டுள்ளன. இதில் வாக்காளர் பட்டியலில் பெயரை சேர்ப்பதற்காக மட்டும் 7 லட்சத்து 57 ஆயிரத்து 341 விண்ணப்பங்கள் வந்துள்ளன.

திருவள்ளூர் மாவட்டத்தில் 1 லட்சத்து 19 ஆயிரத்து 591 விண்ணப்பங்கள்; சென்னையில் 66 ஆயிரத்து 467; காஞ்சீபுரத்தில் 34 ஆயிரத்து 209; செங்கல்பட்டு மாவட்டத்தில் 69 ஆயிரத்து 553 விண்ணப்பங்கள் பெறப்பட்டன.

குறைந்தபட்சமாக நீலகிரி மாவட்டத்தில் 12 ஆயிரத்து 452 விண்ணப்பங்களும், அதிகபட்சமாக திருவள்ளூர் மாவட்டத்திலும் விண்ணப்பங்களும் பெறப்பட்டுள்ளன.

இவ்வாறு அதில் கூறப்பட்டுள்ளது.