தர்மபுரி ஏல அங்காடிக்கு பட்டுக்கூடுகள் வரத்து அதிகரிப்பு

தர்மபுரி:

தர்மபுரியில் பட்டு வளர்ச்சித்துறை சார்பில் செயல்பட்டு வரும் ஏல அங்காடிக்கு பல்வேறு மாவட்டங்களில் இருந்து விவசாயிகள் பட்டுக்கூடுகளை விற்பனைக்கு கொண்டு வருகின்றனர். இந்த அங்காடிக்கு பட்டுக்கூடுகள் வரத்து நேற்று அதிகரித்தது. நேற்று மொத்தம் 2,080 கிலோ பட்டுக்கூடுகள் விற்பனைக்காக கொண்டு வரப்பட்டன. அதிகபட்சமாக ஒரு கிலோ ரூ.765-க்கும், குறைந்தபட்சமாக ரூ.378-க்கும், சராசரியாக ரூ.646.20-க்கும் பட்டுக்கூடுகள் விற்பனை செய்யப்பட்டது. மொத்தம் ரூ.13 லட்சத்து 44 ஆயிரத்து 196 மதிப்பில் பட்டுக்கூடுகள் விற்பனை ஆனது.