தர்மபுரி ஏல அங்காடியில் பட்டுக்கூடுகள் விலை குறைந்தது

தர்மபுரி:

தர்மபுரியில் பட்டு வளர்ச்சி துறை சார்பில் செயல்பட்டு வரும் பட்டுக்கூடுகள் ஏல அங்காடிக்கு பல்வேறு மாவட்டங்களில் இருந்து விவசாயிகள் பட்டுக்கூடுகளை விற்பனைக்கு கொண்டு வருகிறார்கள். இந்த அங்காடிக்கு நேற்று முன்தினம் 2 ஆயிரத்து 702 கிலோ பட்டுக்கூடுகள் விற்பனைக்கு கொண்டு வரப்பட்டன. அதிகபட்சமாக ஒரு கிலோ பட்டுக்கூடு ரூ.570-க்கு விற்பனையானது. நேற்று 2 ஆயிரத்து 20 கிலோ பட்டுக்கூடுகள் விற்பனைக்கு கொண்டு வரப்பட்டன. நேற்று பட்டுக்கூடு கிலோவுக்கு ரூ.31 குறைந்தது. அதன்படி ஒரு கிலோ பட்டுக்கூடு அதிகபட்சமாக ரூ.539-க்கும், குறைந்தபட்சமாக ரூ.256-க்கும், சராசரியாக ரூ.425.59-க்கும் விற்பனையானது. மொத்தம் ரூ.8 லட்சத்து 59 ஆயிரத்துக்கு பட்டுக்கூடு வர்த்தகம் நடந்தது.