தர்மபுரி ஏல அங்காடியில் பட்டுக்கூடுகள் விலை அதிகரிப்பு

தர்மபுரி:

தர்மபுரியில் பட்டு வளர்ச்சி துறை சார்பில் பட்டுக்கூடுகள் ஏல அங்காடி செயல்பட்டு வருகிறது. நேற்று முன்தினம் இந்த அங்காடிக்கு 1,800 கிலோ பட்டுக்கூடுகளை விவசாயிகள் விற்பனைக்காக கொண்டு வந்தனர். அதில் ஒரு கிலோ பட்டுக்கூடு அதிகபட்சமாக ரூ.735-க்கு விற்பனையானது. நேற்று 1,024 கிலோ பட்டுக்கூடுகள் மட்டுமே விற்பனைக்கு வந்திருந்தன. வரத்து குறைவால் படடுக்கூடுகள் விலை கிலோவுக்கு ரூ.19 அதிகரித்தது. அதன்படி ஒரு கிலோ பட்டுக்கூடு அதிகபட்சமாக ரூ.754-க்கும், குறைந்தபட்சமாக ரூ.500-க்கும், சராசரியாக ரூ.690.04-க்கும் விற்பனையானது. மொத்தம் ரூ.7 லட்சத்து 6 ஆயிரத்துக்கு பட்டுக்கூடுகள் விற்பனையானது.