சிறுமிக்கு பாலியல் தொல்லை:போக்சோவில் வாலிபர் கைது

போடி அருகே உள்ள சிலமலை தெற்கு சூலப்புரம் பகுதியை சேர்ந்தவர் சுகுமார் (வயது 22). இவர், 16 வயது சிறுமியுடன் பழகி வந்தார். இதனை சிறுமியின் பெற்றோர் கண்டித்தனர். இந்நிலையில் கடந்த 7-ந்தேதி வீட்டில் இருந்த சிறுமி திடீரென மாயமானார். இதையடுத்து அவரது பெற்றோர் சிறுமியை தேடி அலைந்தனர். ஆனால் அவர் கிடைக்கவில்லை. இந்நிலையில் நேற்று முன்தினம் சுகுமார் அந்த சிறுமியை திருமணம் செய்து கொண்டு வந்தார்.

அப்போது சிறுமியிடம் அவரது பெற்றோர் விசாரித்தனர். அதில் சுகுமார் ஆசை வார்த்தை கூறி பலமுறை தனக்கு பாலியல் தொல்லை கொடுத்ததாக கூறினார். இதுகுறித்து சிறுமியின் பெற்றோர் போடி தாலுகா போலீசில் புகார் கொடுத்தனர். அதன்பேரில் போலீசார் சுகுமார் மீது போக்சோ சட்டத்தின் கீழ் வழக்குப்பதிந்து அவரை கைது செய்தனர்.