ஸ்கூட்டர் திருடியவர் கைது

தேனி அல்லிநகரத்தை சேர்ந்தவர் சரவணன் (வயது 45). இவர் தனது ஸ்கூட்டரில் தேனி உழவர் சந்தை பகுதிக்கு வந்தார். அங்கு ஸ்கூட்டரை நிறுத்திவிட்டு கடைக்கு சென்றார். திரும்பி வந்து பார்த்த போது அவருடைய ஸ்கூட்டரை ஒருவர் திருடிச் சென்று கொண்டிருந்தார். உடனே சரவணன் தனது நண்பர்கள் உதவியுடன் அந்த நபரை துரத்திப் பிடித்தார். அவரை தேனி போலீஸ் நிலையத்தில் ஒப்படைத்தார். விசாரணையில் அவர் துரைச்சாமிபுரத்தை சேர்ந்த சுருளிவேல்சாமி மகன் மகரஜோதி (43) என்பது தெரியவந்தது. இதுகுறித்து போலீசார் வழக்குப்பதிவு செய்து மகரஜோதியை கைது செய்தனர்.