பள்ளி மாணவருக்கு கத்திக்குத்து

பேட்டை:

நெல்லை அருகே உள்ள கொண்டாநகரத்தை சேர்ந்த மகேஷ் மகன் இசக்கிதுரை (வயது 16). இவர் பேட்டையில் உள்ள ஒரு பள்ளியில் படித்து வருகிறார். இசக்கிதுரையிடம் மற்றொரு மாணவர் ரூ.10 கடன் கேட்டார். இதில் அவர்களுக்குள் தகராறு ஏற்பட்டது. இதில் ஆத்திரம் அடைந்த அந்த மாணவர், தனது நண்பரான மற்றொரு மாணவனுடன் சேர்ந்து இசக்கிதுரையை கத்தியால் குத்தினர். இதில் காயம் அடைந்த அவர் சிகிச்சைக்காக நெல்லை அரசு ஆஸ்பத்திரியில் அனுமதிக்கப்பட்டார். இதுகுறித்த புகாரின் பேரில் பேட்டை போலீசார் வழக்குப்பதிவு செய்து, 2 மாணவர்களை கைது செய்து சிறுவர் கூர்நோக்கு இல்லத்தில் அடைத்தனர்.