சத்தியமங்கலம் மார்க்கெட்டில் மல்லிகைப்பூ கிலோ ரூ.437-க்கு ஏலம்

சத்தியமங்கலம் பூ மார்க்கெட்டில் நேற்று பூக்கள் ஏலம் நடந்தது. இதற்கு சத்தியமங்கலம் மற்றும் சுற்றுவட்டார பகுதிகளில் இருந்து விவசாயிகள் 4 டன் பூக்களை கொண்டு வந்திருந்தார்கள். இந்த ஏலத்தில் மல்லிகைப்பூ (கிலோ) ரூ.437-க்கும், முல்லை ரூ.144-க்கும், காக்கடா ரூ.275-க்கும், செண்டுமல்லி ரூ.105-க்கும், பட்டுப்பூ ரூ.82-க்கும், ஜாதிமல்லி ரூ.500-க்கும், கனகாம்பரம் ரூ.310-க்கும், அரளி ரூ.120-க்கும், சம்பங்கி ரூ.70-க்கும், துளசி ரூ.50-க்கும், செவ்வந்தி ரூ.200-க்கும் ஏலம் போனது.