மாநகராட்சி சார்பில் தூய்மைப்பணி

தூய்மை நகரங்களுக்கான மக்கள் இயக்கம் என்ற பெயரில் கரூர் மாநகராட்சி நிர்வாகம் சார்பில் மாதத்தில் இரண்டு சனிக்கிழமைகளில் மாபெரும் தூய்மைப்பணி மற்றும் விழிப்புணர்வு நிகழ்ச்சி நடைபெற்று வருகிறது.

அதன் ஒரு பகுதியாக எனது கரூர் எனது பெருமை திட்டத்தின் கீழ் கரூர் மாநகராட்சிக்குட்பட்ட அண்ணாசாலை பகுதியில் மாநகராட்சிஆணையர் ரவிச்சந்திரன் தலைமையில் வார்டு கவுன்சிலர், மாநகர் நல அலுவலர் உள்ளிட்ட அதிகாரிகள் , தன்னார்வலர்கள் மற்றும் பள்ளி மாணவர்கள் என ஏராளமானோர் கலந்து கொண்டு குப்பைகளை கண்ட இடத்தில் கொட்டாமலும், தரம் பிரிப்பது பற்றியும் உறுதிமொழி எடுத்துக்கொண்டனர்.

பின்னர் அண்ணாசாலை பகுதியில் இருந்த குப்பைகளை சுத்தம் செய்யும் பணியினை மாநகராட்சி ஆணையர் தொடங்கி வைத்தார். தூய்மை பணியாளர்கள் மற்றும் பள்ளி மாணவர்களுடன் இணைந்து தன்னார்வலர்களும் குப்பைகளை சேகரித்தனர்.