ஆஞ்சநேயருக்கு சந்தனக்காப்பு அலங்காரம்

வாய்மேடு:

தலைஞாயிறை அடுத்த உம்பளச்சேரி சமயபுரத்து மாரியம்மன் கோவிலில் பக்த வைராக்கிய ஆஞ்சநேயர் தனி சன்னதியில் பக்தர்களுக்கு அருள்பாலித்து வருகிறார். ஆடி அமாவாசையையொட்டி ஆஞ்சநேயருக்கு சிறப்பு வழிபாடு நடந்தது. முன்னதாக சாமிக்கு பால், பன்னீர், இளநீர், சந்தனம், நெய், தேன், திரவியம், உள்ளிட்டவைகளால் அபிஷேகம் செய்யப்பட்டு மலர்களால் அலங்கரித்து சந்தனக்காப்பு சாத்தப்பட்டு மகாதீபாராதனை காண்பிக்கப்பட்டது. இதில் திரளான பக்தர்கள் கலந்து கொண்டு சாமி தரிசனம் செய்தனர்.