மணல் கடத்தல்; 4 மாட்டுவண்டிகள் பறிமுதல்

கடலூர் அருகே திருமாணிக்குழியில் உள்ள ஆற்றில் இருந்து மணல் கடத்தப்படுவதாக போலீசாருக்கு ரகசிய தகவல் கிடைத்தது. அதன் அடிப்படையில் திருப்பாதிரிப்புலியூர் போலீசார் திருமாணிக்குழி ஆற்றங்கரை பகுதியில் ரோந்து பணியில் ஈடுபட்டிருந்தனர். அப்போது ஒரு கும்பல் மாட்டு வண்டிகளில் மணல் அள்ளி கடத்திக் கொண்டிருந்தது. உடனே போலீசார் அந்த கும்பலை பிடிக்க முயன்றனர். போலீசார் வருவதை பார்த்ததும் மணல் கடத்தலில் ஈடுபட்ட 4 பேர் கொண்ட கும்பல், அங்கிருந்து தப்பி ஓடி தலைமறைவாகி விட்டனர்.

இதையடுத்து மணல் கடத்த பயன்படுத்தப்பட்ட 4 மாட்டு வண்டிகளையும் போலீசார் பறிமுதல் செய்தனர். மேலும் இதுதொடர்பாக போலீசார் வழக்குப்பதிவு செய்து தப்பி ஓடியவர்கள் குறித்து விசாரணை நடத்தி வருகின்றனர்.