ஆனைமலையில் ரேஷன் அரிசி கடத்தியவர் கைது

ஆனைமலை

பொள்ளாச்சி உணவு கடத்தல் தடுப்பு பிரிவு போலீஸ் இன்ஸ்பெக்டர் விவேகானந்தனுக்கு ஆனைமலை பகுதியில் ரேஷன் அரிசி கடத்துவதாக ரகசிய தகவல் கிடைத்தது. இந்த தகவலின் பேரில் சப்-இன்ஸ்பெக்டர் சந்திரசேகரன் மற்றும் போலீசார் அந்த பகுதியில் கண்காணிப்பு பணியில் ஈடுபட்டனர். அப்போது அந்தப்பகுதியில் உள்ள ஒரு தனியார் பள்ளி அருகில் மூட்டை, மூட்டையாக ரேஷன் அரிசி இருப்பது தெரியவந்தது. இதுகுறித்து போலீசார் விசாரணை நடத்தினார்கள். விசாரணையில் ஆனைமலையை பகுதியை சேர்ந்த ஞானசேகரன் (வயது 32) என்பவர் ஆனைமலையில் இருந்து கேரளாவுக்கு ரேஷன் அரிசி கடத்த முயன்றது தெரியவந்தது. இதுகுறித்த புகாரின் பேரில் போலீசார் வழக்குபதிவு செய்து அவரை கைது செய்தனர். இதற்கிடையில் 23 சாக்கு மூட்டைகளில் இருந்த 1150 கிலோ ரேஷன் அரிசி பறிமுதல் செய்யப்பட்டது.