ரேஷன் குறை தீர்க்கும் முகாம்

பாபநாசம் தாலுகா வட்ட வழங்கல் அலுவலகத்தில், ரேஷன் சம்பந்தப்பட்ட குறைதீர்க்கும் முகாம் நடந்தது. முகாமிற்கு பாபநாசம் வட்ட வழங்கல் அலுவலர் சிவக்குமார் தலைமை தாங்கினார். முகாமில் ரேஷன் அட்டையில் பெயர் சேர்த்தல், நீக்குதல், திருத்தம், முகவரி மாற்றம் தொடர்பாக பொதுமக்களிடமிருந்து 12 மனுக்கள் பெறப்பட்டன. அந்த மனுக்கள் அனைத்துக்கும் உடனடியாக தீர்வு காணப்பட்டது. இதில், வட்ட வழங்கல் அலுவலகத்தின் வருவாய் ஆய்வாளர் சவுந்தர்யா உள்பட பலர் கலந்து கொண்டனர்.