தர்மபுரி ஏல அங்காடியில் பட்டுக்கூடுகள் விலை அதிகரிப்பு

தர்மபுரி:

தர்மபுரியில் பட்டு வளர்ச்சி துறை சார்பில் செயல்பட்டு வரும் பட்டுக்கூடுகள் ஏல அங்காடிக்கு நேற்று பல்வேறு மாவட்டங்களில் இருந்து விவசாயிகள் 521 கிலோ பட்டுக்கூடுகளை விற்பனைக்கு கொண்டு வந்தனர். நேற்று முன்தினம் அதிகபட்சமாக ஒரு கிலோ ரூ.738-க்கு விற்பனையான பட்டுக்கூடு நேற்று கிலோவிற்கு ரூ.62 விலை அதிகரித்தது. அதன்படி ஒரு கிலோ பட்டுக்கூடு அதிகபட்சமாக ரூ.800-க்கும், குறைந்தபட்சமாக ரூ.701-க்கும், சராசரியாக ரூ.754.10-க்கும் விற்பனையானது. மொத்தம் ரூ.3 லட்சத்து 93 ஆயிரத்து 37-க்கு பட்டுக்கூடுகள் விற்பனையானது.