தடைசெய்யப்பட்ட புகையிலை விற்பனை:பெட்டிக்கடை உரிமையாளர் கைது

கடத்தூர்

கோபியில், ஈரோடு மெயின் ரோட்டில் உள்ள ஒரு பெட்டிக்கடையில் தடை செய்யப்பட்ட புகையிலை விற்கப்படுவதாக, கோபி போலீசாருக்கு தகவல் கிடைத்தது. இதையடுத்து போலீஸ் சப்-இன்ஸ்பெக்டர் ஆறுமுகம் போலீசாருடன் சென்று கடையில் சோதனை நடத்தினார். அப்போது கடைக்குள் 7 பாக்கெட் தடைசெய்யப்பட்ட புகையிலை பொருட்கள் இருந்தது கண்டுபிடிக்கப்பட்டது. இதையடுத்து பெட்டிக்கடையின் உரிமையாளர் கள்ளிப்பட்டியை சேர்ந்த பரணிதரன் (வயது 44) என்பவரை போலீசார் கைது செய்தனர். புகையிலை பாக்கெட்டுகளையும் பறிமுதல் செய்தனர்.