சக்திமலை சிவன் கோவிலில் பிரதோஷ பூஜை

கோத்தகிரி,

ஒவ்வொரு மாதமும் சிவன் கோவில்களில் பிரதோஷ நாட்களில் யாக பூஜை, அபிஷேக பூஜை, சிறப்பு வழிபாடு நடத்தப்படுகிறது. ஆனி மாத பிரதோஷ நாளான நேற்று முன்தினம் கோத்தகிரி சக்தி மலையில் உள்ள சிவன் கோவிலில் சிறப்பு பூஜை நடைபெற்றது. இதையொட்டி காலை 10 மணிக்கு யாக பூஜை, மாலை 3 மணிக்கு சிவனுக்கு பால், தேன், தயிர், சந்தனம், பன்னீர், திருநீறு மற்றும் பஞ்சாமிர்தத்தால் அபிஷேகம் செய்யப்பட்டது. பின்னர் வில்வம், அரளி, தாமரை, மல்லிகை மலர்களால் அர்ச்சனை செய்த பின் அபிஷேக பூஜை மற்றும் தீபாராதனை நடைபெற்றது. மேலும் சிவபெருமானின் வாகனமான நந்தி தேவருக்கு எண்ணெய், பால், தயிர், சந்தனம், இளநீர் போன்றவற்றால் அபிஷேகம் செய்யப்பட்டது. தொடர்ந்து அருகம்புல் சாற்றி மலர்களால் அலங்காரம் செய்யப்பட்டு, அர்ச்சனை மற்றும் தீபாராதனை நடந்தது. பின்னர் பக்தர்கள் அனைவருக்கும் பிரசாதம் வழங்கப்பட்டது. இதேபோல் கோத்தகிரி மாரியம்மன் கோவில் வளாகத்தில் உள்ள லிங்கேஸ்வரருக்கும் பிரதோஷத்தையொட்டி சிறப்பு பூஜைகள் நடைபெற்றன. இதில் ஏராளமான பக்தர்கள் விரதமிருந்து கலந்துகொண்டு லிங்கேஸ்வரரை தரிசனம் செய்தனர்.