கிருஷ்ணகிரி
தமிழ்நாடு அரசு போக்குவரத்து கழகம் சார்பில் பணியாளர்களுக்கான திறன் மேம்பாடு குறித்து பயிற்சி கிருஷ்ணகிரியில் உள்ள நகர பணிமனை கூட்ட அரங்கில் நடைபெற்றது. கூட்டத்துக்கு அரசு போக்குவரத்துக் கழக நிர்வாக இயக்குனர் பொன்முடி தலைமை தாங்கினார். பொது மேலாளர் ரவி லட்சுமணன் முன்னிலை வகித்தார். அரசு போக்குவரத்து கழகத்தில் பணியாற்றும் ஓட்டுனர்கள், நடத்துனர்கள் பணியின் போது பயணிகளை எவ்வாறு அணுகி நட்புடன் பழகுவது, மனச்சுமை இல்லாமல் பணியாற்றுவது குறித்து பயிற்சி அளித்தனர். இ்தில் அரசு போக்குவரத்துக் கழக துணை மேலாளர்கள் ராஜராஜன், கலைவாணன், கோட்ட மேலாளர் தமிழரசன், உதவி மேலாளர் ஹர்ஷ்பாபு மற்றும் அலுவலர்கள் கலந்து கொண்டனர்.