கோட்டைப்பட்டினம், அரிமளத்தில் இன்று மின்சாரம் நிறுத்தம்

புதுக்கோட்டை மாவட்டம் கொடிக்குளம், ஆவுடையார் கோவில், வல்லவாரி, அமரமடக்கி ஆகிய துணை மின் நிலையங்களில் இன்று (சனிக்கிழமை) மாதாந்திர பராமரிப்பு பணிகள் நடைபெறுகிறது. இதையொட்டி இங்கிருந்து மின்வினியோகம் பெறும் பகுதிகளான கட்டுமாவடி, மணமேல்குடி, கோட்டைப்பட்டினம், ஜெகதாபட்டினம், மீமிசல், ஆவுடையார்கோவில், கரூர், திருப்புனவாசல், அரசர்குளம் சுப்பிரமணியபுரம் மற்றும் இதனை சுற்றியுள்ள பகுதிகளில் காலை 9 மணி முதல் மாலை 4 மணி வரை மின்சாரம் இருக்காது என அறந்தாங்கி உதவி செயற்பொறியாளர் லூர்து சகாயராஜ் தெரிவித்துள்ளார்.

இதேபோல் அரிமளம், தல்லாம்பட்டி ஆகிய துணை மின் நிலையங்களில் இன்று மாதாந்திர பராமரிப்பு பணிகள் நடைபெறுவதால் அரிமளம், காமாட்சிபுரம், மிரட்டுநிலை, தாஞ்சூர், வெட்டுக்காடு, பொந்துபுளி, ஓணாங்குடி, சிராயம்பட்டி, சத்திரம், கோவில்வாசல், கொத்தமங்கலம், மேல்நிலைப்பட்டி, வடகாடுபட்டி, கும்மங்குடி, துறையூர், கீரணிப்பட்டி, தேனிப்பட்டி, வம்பரம்பட்டி ஆகிய பகுதிகளில் காலை 9 மணி முதல் மாலை 4 மணி வரை மின்வினியோகம் இருக்காது என திருமயம் மின்வாரிய உதவி செயற்பொறியாளர் ராமநாதன் தெரிவித்துள்ளார்.