சத்தி மார்க்கெட்டில் மல்லிகைப்பூ கிலோ ரூ.2,030-க்கு ஏலம்

சத்தியமங்கலம்

சத்தி மார்க்கெட்டில் மல்லிகைப்பூ கிலோ ரூ.2,030-க்கு ஏலம் போனது.

மல்லிகைப்பூ

சத்தியமங்கலம் கரட்டூர் ரோட்டில் உள்ள பூ மார்க்கெட்டில் நாள்தோறும் காலை 5 மணி முதல் மதியம் 2 மணி வரை பூக்கள் ஏலம் நடைபெறும். நேற்று நடந்த ஏலத்துக்கு சத்தியமங்கலம் மற்றும் சுற்றுவட்டார பகுதியில் இருந்து விவசாயிகள் 3.5 டன் பூக்களை கொண்டு வந்திருந்தார்கள். இந்த ஏலத்தில் மல்லிகைப்பூ ஒரு கிலோ ரூ.2,030-க்கு ஏலம் போனது.

மகிழ்ச்சி

இதேபோல் முல்லை ரூ.400-க்கும், காக்கடா ரூ.500-க்கும், செண்டுமல்லி ரூ.125-க்கும், பட்டுப்பூ ரூ.91-க்கும், ஜாதிமல்லி ரூ.500-க்கும், கனகாம்பரம் ரூ.710-க்கும், சம்பங்கி ரூ.70-க்கும், அரளி ரூ.200-க்கும், துளசி ரூ.40-க்கும், செவ்வந்தி ரூ.160-க்கும் ஏலம் போனது.

பூக்கள் விலை உயர்ந்து ஏலம் போனதால் விவசாயிகள் மகிழ்ச்சி அடைந்தார்கள்.