பள்ளிகள் அருகே போலீஸ் கமிஷனர் திடீர் ஆய்வு

கோவை மாநகர போலீஸ் கமிஷனர் பாலகிருஷ்ணன், பள்ளி மற்றும் கல்லூரிகளுக்கு சென்று ஆய்வு செய்து வருகிறார். நேற்று காலை கோவை-திருச்சி ரோட்டில் உள்ள தனியார் பள்ளிகளில் திடீர் ஆய்வு செய்தார்.

அப்போது பள்ளிக்கு குழந்தைகளை அழைத்து வரும் பெற்றோர் ஹெல்மெட் அணிந்து வருகிறார்களா? என்று கேட்டறிந்தார்.

ஹெல்மெட் அணியாமல் வந்த பெற்றோரிடம் ஹெல்மெட் அணிந்து குழந்தைகளை பாதுகாப்புடன் அழைத்து வருமாறு அறிவுறுத்தினார். மேலும் பள்ளி மாணவ-மாணவிகளிடம் குறைகளை கேட்டார்.

வேன்களில் அழைத்து வரும் டிரைவர்களிடமும் போலீஸ் கமிஷனர் விசாரணை நடத்தினார்.

பள்ளி அருகே போதை பொருள் நடமாட்டத்தை கட்டுப்படுத்தவும், விபத்து தடுப்பு நடவடிக்கைகளை மேற்கொள்ளவும் போலீஸ் அதிகாரிகளுக்கு உத்தரவிட்டார். மேலும் பள்ளி தலைமை ஆசிரியர்களுக்கும் கமிஷனர் ஆலோசனை வழங்கினார்.