காய்கறி கடை ஊழியர் மகளுக்கு மருத்துவக்கல்லூரியில் இடம்

நெல்லை சந்திப்பு மீனாட்சிபுரத்தை சேர்ந்தவர் வள்ளிநாயகம். இவர் காய்கறி கடையில் வேலை பார்த்து வருகிறார். இவருடைய மனைவி ஜெயலட்சுமி, இவரும் டவுனில் முறுக்கு கடையில் வேலை செய்து வருகிறார். இவர்களுக்கு புவனேஸ்வரி என்ற மகளும், அய்யம்பெருமாள் என்ற மகனும் உள்ளனர்.

இதில் புவனேஸ்வரி மீனாட்சிபுரம் மாநகராட்சி பெண்கள் மேல்நிலைப்பள்ளியில் பிளஸ்-2 முடித்துள்ளார். இந்த வருடம் நீட் தேர்வு எழுதி 382 மதிப்பெண்கள் பெற்றுள்ளார். டாக்டர் படிப்பான எம்.பி.பி.பிஸ் படிப்பதற்காக தமிழக அரசு நடத்திய கலந்தாய்வில் கலந்து கொண்டுள்ளார். தமிழக அரசின் அரசு பள்ளி மாணவர்களுக்கான 7.5 சதவீத இட ஒதுக்கீட்டில் பொதுப்பிரிவில் ரேங்க் பட்டியலில் 35-வது இடத்தை பிடித்துள்ளார். மேலும் இவருக்கு நெல்லை அரசு மருத்துவக்கல்லூரியில் இடம் கிடைத்துள்ளது. இதனால் இவருடைய பெற்றோர் மிகவும் மகிழ்ச்சி அடைந்தனர். இவர் படித்த பள்ளியின் தலைமை ஆசிரியர் மேபெல் ராணி மற்றும் ஆசிரியர்கள் மாணவி புவனேஸ்வரியை பாராட்டினர்.