மாற்றுத்திறனாளிகளுக்கு உபகரணங்கள் வழங்கும் நிகழ்ச்சி

பொங்கலூர்

பொங்கலூர் வட்டார வள மையத்தில் மாற்றுத்திறனாளிகளுக்கு உதவி உபகரணங்கள் வழங்கும் நிகழ்ச்சி நடைபெற்றது. இதில் சிறப்பு பயிற்றுனர் ராஜவேலன் வரவேற்றார். வட்டார வளமைய மேற்பார்வையாளர் (பொறுப்பு) சுரேஷ் நிகழ்ச்சியை தொடங்கி வைத்தார். வட்டார கல்வி அலுவலர் பூங்கொடி மாணவ- மாணவியருக்கு உதவி உபகரணங்களை வழங்கினார். உதவி உபகரணங்களை கையாளும் முறை குறித்து பிசியோதெரபிஸ்ட் ப்ரீத்தி விளக்கி கூறினார். 5 பேருக்கு நடைபயிற்சி உபகரணங்களும், 3 பேருக்கு காதொலி கருவிகள் உள்பட மொத்தம் 17 பேருக்கு உதவி உபகரணங்கள் வழங்கப்பட்டது. நிகழ்ச்சிக்கான ஏற்பாடுகளை சிறப்பு பயிற்றுனர்கள் மருதைவீரன், நவநீதகிருஷ்ணன், சுதர்சன குமாரி, வசந்தி, அருக்காணி உள்பட அலுவலர்கள் செய்திருந்தனர்.