தஞ்சை ரெயில் நிலையத்தில்அலை மோதிய மக்கள் கூட்டம்

தஞ்சாவூர்;

பள்ளிக்கூடங்கள் நாளை (திங்கட்கிழமை) திறக்கப்படுவதால் தஞ்சை ரெயில் நிலையத்தில் மக்கள் கூட்டம் அலை மோதியது.

பள்ளிக்கூடங்கள் திறப்பு

தமிழகத்தில் கோடை விடுமுறைக்கு பிறகு ஜூன் 1-ந்தேதி பள்ளிக்கூடங்கள் திறக்கப்படுவதாக இருந்தது. ஆனால் வெயிலின் தாக்கம் அதிகமாக இருந்ததால் பள்ளிகள் திறப்பு 7-ந்தேதிக்கு மாற்றப்பட்டது. இந்த நிலையில் வெயிலின் தாக்கம் குறையாத காரணத்தால் பள்ளிகள் திறப்பு மீண்டும் தள்ளி வைக்கப்பட்டது.அதன்படி 1 முதல் 5-ம் வகுப்பு மாணவர்களுக்கு வருகிற 14-ந்தேதியும், 6 -ம் வகுப்பு முதல் பிளஸ்-2 மாணவர்களுக்கு 12-ந்தேதியும் பள்ளிகள் திறக்கப்படுவதாக அறிவிக்கப்பட்டது.

பயணிகள் கூட்டம்

பள்ளிகள் திறப்பை யொட்டி தஞ்சை ரெயில் நிலையத்தில் பயணிகள் கூட்டம் நேற்று அலைமோதியது. தஞ்சை மாவட்டத்தில் உள்ள பல்வேறு பகுதிகளில் வேலைக்காக வந்துள்ள தென் மாவட்டங்களை சேர்ந்த மக்கள் நேற்று மீண்டும் வர தொடங்கினர். செங்கோட்டை-மயிலாடுதுறை விரைவு ரெயிலில் பயணிகள் கூட்டம் அதிக அளவில் இருந்தது. கூட்டத்தை கட்டுப்படுத்த ரெயில்வே போலீசார் பாதுகாப்பு பணியில் ஈடுபடுத்தப்பட்டு இருந்தனர்.இதேபோல் கும்பகோணம், மயிலாடுதுறை, நாகை, திருவாரூர், மன்னார்குடி உள்ளிட்ட பகுதிகளுக்கு செல்வதற்கும் ஏராளமானோர் தஞ்சை ரெயில் நிலையத்திற்கு வந்து இருந்தனர். மேலும் தஞ்சை வழியாக சென்ற ரெயில்களிலும் மக்கள் அதிகஅளவில் பயணம் செய்து சொந்த ஊருக்கு சென்றனர். கோடை விடுமுறைக்குப்பின் மக்கள் சொந்த ஊருக்கு படையெடுத்த காரணத்தினால் பஸ்கள், ரெயில்களில் கூட்டம் வழக்கத்தை விட அதிகமாக காணப்பட்டது.