பிளாஸ்டிக் கவர்கள் பயன்படுத்திய கடைகளுக்கு அபராதம்

வேலூர் மாநகராட்சி 2-வது மண்டல சுகாதார அலுவலர் லூர்துசாமி தலைமையில் அதிகாரிகள் சத்துவாச்சாரி, அலமேலுமங்காபுரம் பகுதிகளில் உள்ள கடைகளில் திடீர் ஆய்வு மேற்கொண்டனர். அப்போது அங்கு தடை செய்யப்பட்ட பிளாஸ்டிக் கவர்கள் இருந்தது தெரியவந்தது. அதைத்தொடர்ந்து 20 கடைகளில் 7 கிலோ பிளாஸ்டிக் கவர்களை பறிமுதல் செய்து அந்த கடைகளுக்கு ரூ.6.400 அபராதம் விதித்தனர். மேலும் தடை செய்யப்பட்ட பிளாஸ்டிக் கவர்களை பயன்படுத்தக்கூடாது என்றும் அறிவுரை வழங்கினார்.