மோட்டார் சைக்கிள் மீது லாரி மோதி பெயிண்டர் பலி

புன்னம் சத்திரம் எம்.ஜி.ஆர். நகர் பகுதியை சேர்ந்தவர் மாணிக்கம். இவரது மகன் ரமேஷ் (21) பெயிண்டர். தனது மோட்டார் சைக்கிளில் பெரிய ரங்கம்பாளையத்திற்கு வேலைக்கு சென்று விட்டு வீட்டிற்கு வந்து கொண்டிருந்தார். அப்போது பெரிய ரங்கம் பாளையம் பகுதியில் வந்து கொண்டிருந்தபோது, அந்த வழியாக அரியலூர் மாவட்டம் ஜெயங்கொண்டம் பகுதியை சேர்ந்த வேல்முருகன் (38) என்பவர் ஓட்டி வந்த லாரி எதிர்பாராத விதமாக ரமேஷ் ஓட்டி வந்த மோட்டார் சைக்கிள் மீது மோதியது. இதில் படுகாயம் அடைந்த அவரை அங்கிருந்தவர்கள் மீட்டு சிகிச்சைக்காக வேலாயுதம்பாளையம் அரசு மருத்துவமனைக்கு அனுப்பி வைத்தனர். அங்கு அவரை பரிசோதித்த டாக்டர்கள் அவர் ஏற்கனவே இறந்து விட்டதாக தெரிவித்தனர். இந்த விபத்து குறித்து ரமேசின் அண்ணன் சுரேஷ் கொடுத்த புகாரின்பேரில், வேலாயுதம்பாளையம் போலீசார் வேல்முருகன் மீது வழக்குப்பதிந்து அவரை கைது செய்தனர். மேலும் லாரியும் பறிமுதல் செய்யப்பட்டன.