ஊட்டி யங் பட்ஸ் அணி வெற்றி

கோத்தகிரி,

நீலகிரி மாவட்ட கால்பந்து சங்கம் சார்பில், மாவட்ட அளவிலான கால்பந்து போட்டிகள் நடைபெற்று வருகிறது. கோத்தகிரி காந்தி மைதானத்தில் நேற்று நடைபெற்ற சி டிவிஷன் முதல் போட்டியில் பெங்களூரு சூப்பர் ஸ்ட்ரைக்கர்ஸ் அணியும், கெந்தொரை விங்ஸ் அணியும் மோதியது. இதில் சிறப்பாக விளையாடிய பெங்களூரு சூப்பர் ஸ்ட்ரைக்கர்ஸ் அணி 3-0 என்ற கோல்கள் கணக்கில் வெற்றி பெற்றது. தொடர்ந்து நடைபெற்ற 2-வது போட்டியில் ஊட்டி யங் பட்ஸ் அணியும், கோத்தகிரி ஆலன் மார்க்ஸ் அணியும் விளையாடியது. இதில் ஊட்டி யங் பட்ஸ் அணி 2 கோல்கள் போட்டு வெற்றி பெற்றது. ஆலன் மார்க்ஸ் அணியால் கோல் எதுவும் போடவில்லை. இதையடுத்து புல்சன் மற்றும் ஜேசிஸ் அணிகள் விளையாடின. இரு அணிகளும் சமபலத்துடன் விளையாடியதால் போட்டி மிகவும் விறுவிறுப்பாக இருந்தது. ஆட்ட நேர இறுதி வரை இரு அணிகளும் கோல்கள் எதுவும் போடாததால் போட்டி டிராவில் முடிந்தது.