விபத்தில் ஒருவர் சாவு

கொண்டலாம்பட்டி

சேலம் சின்னதிருப்பதி பகுதி சேரன் தெருவை சேர்ந்தவர் சுப்பிரமணி (வயது 57). இவருடைய தந்தை உடல்நலம் பாதிக்கப்பட்டு தனியார் ஆஸ்பத்திரியில் அனுமதிக்கப்பட்டுள்ளார். அவரை பார்ப்பதற்காக தனது மொபட்டில் அரியானூர் நோக்கி சுப்பிரமணி புறப்பட்டார். கொண்டலாம்பட்டி பட்டர்பிளை வழியாக வந்த போது திடீரென மொபட் நிலைதடுமாறி சாலையில் கவிழ்ந்தது. இதில் சுப்பிரமணி படுகாயம் அடைந்தார். அந்த வழியாக வந்தவர்கள் அவரை 108 ஆம்புலன்சு மூலம் சேலம் அரசு ஆஸ்பத்திரியில் அனுமதிக்கப்பட்டார். அங்கு சிகிச்சை பலன் அளிக்காமல் சுப்பிரமணி பரிதாபமாக இறந்து விட்டார். இதுகுறித்து கொண்டலாம்பட்டி போலீசார் வழக்குப்பதிவு செய்து விசாரணை நடத்தினர்.