வாகன விபத்தில் ஒருவர் பலி

விருதுநகர் அருகே உள்ள கே. உசிலம்பட்டியை சேர்ந்தவர் இளங்கோவன் (வயது 50). இவர் விருதுநகர் மேலரதவீதியை சேர்ந்த ராமசாமி (31) என்பவரின் இரு சக்கர வாகனத்தில் பின்னால் அமர்ந்து வந்து கொண்டிருந்தார். விருதுநகர் மதுரை சாலையில் வந்து கொண்டிருந்தபோது இருசக்கர வாகனம் நிலைதடுமாறி கீழே விழுந்ததில் இளங்கோவன் படுகாயம் அடைந்தார். உடனே அவரை சிகிச்சைக்காக விருதுநகர் அரசு ஆஸ்பத்திரிக்கு கொண்டு சென்றனர். ஆனால் செல்லும் வழியிலேயே அவர் பரிதாபமாக இறந்தார். இதுபற்றிய புகாரின் பேரில் ராமசாமி மீது விருதுநகர் மேற்கு போலீசார் வழக்குப்பதிவு செய்து விசாரணை மேற்கொண்டுள்ளனர்.