பெரியார், அண்ணா பிறந்த நாளையொட்டி பள்ளி, கல்லூரி மாணவ- மாணவிகளுக்கு பேச்சுப்போட்டி15,17-ந் தேதிகளில் நடக்கிறது

ராணிப்பேட்டை

பெரியார், அண்ணா பிறந்த நாளையொட்டி பள்ளி, கல்லூரி மாணவ- மாணவிகளுக்கு பேச்சுப்போட்டி15,17-ந் தேதிகளில் நடக்கிறது

தமிழக அரசு தமிழ் வளர்ச்சித் துறையின் சார்பில் அண்ணா பிறந்த நாளையொட்டி வருகிற 15-ந் தேதி (வியாழக்கிழமை), பெரியார் பிறந்த நாளையொட்டி 17-ந் தேதி (சனிக்கிழமை) பள்ளி மற்றும் கல்லூரி மாணவர்களுக்கு காவேரிப்பாக்கம் கலை மற்றும் அறிவியல் கல்லூரியில் பேச்சுப்போட்டி நடக்கிறது. பள்ளி மாணவர்களுக்கு காலை 9.30 மணிக்கும், கல்லூரி மாணவர்களுக்கு மதியம் 1 மணிக்கும் தொடங்கப்பட உள்ளன.

அண்ணா பிறந்தநாளையொட்டி பள்ளி மாணவ, மாணவிகளுக்கு 'தாய் மண்ணிற்கு பெயர் சூட்டிய தனயன், அண்ணாவின் மேடை தமிழ், அண்ணா வழியில் அயராது உழைப்போம் என்ற தலைப்பிலும்,

கல்லூரி மாணவ மாணவிகளுக்கு ''பேரறிஞர் அண்ணாவும் தமிழக மறுமலர்ச்சியும், பேரறிஞர் அண்ணாவின் சமுதாய சிந்தனைகள், அண்ணாவின் தமிழ் வளம், அண்ணாவின் அடிச்சுவட்டில், தம்பி மக்களிடம் செல் என்ற தலைப்புகளிலும் போட்டிகள் நடக்கிறது.

பெரியார் பிறந்தநாளையொட்டி பள்ளி மாணவ -மாணவிகளுக்கு, ''தொண்டு செய்து பழுத்த பழம், தந்தை பெரியாரும் தமிழ் சமுதாயமும், தந்தை பெரியாரின் பகுத்தறிவு சிந்தனைகள், தந்தை பெரியார் காண விரும்பிய உலக சமுதாயம், தந்தை பெரியாரும் பெண் விடுதலையும்'' என்ற தலைப்புகளிலும், கல்லூரி மாணவ- மாணவிகளுக்கு, ''தந்தை பெரியாரும் பெண் விடுதலையும், தந்தை பெரியாரும் மூடநம்பிக்கை ஒழிப்பும், பெண் ஏன் அடிமையானாள்?, இனிவரும் உலகம், சமுதாய விஞ்ஞானி பெரியார், உலக சிந்தனையாளர்களும் பெரியாரும்'' என்ற தலைப்புகளிலும் போட்டிகள் நடக்கின்றன.

கல்லூரி மாணவர்களில் முதல் 3 இடங்களை ெபறுபவர்களுக்கு முறையே ரூ.5 ஆயிரம், ரூ.3 ஆயிரம், ரூ.2 ஆயிரம் பரிசு வழங்கப்படுகிறது. பள்ளி மாணவர்களுக்கு என நடத்தப்படும் பேச்சுப் போட்டியில் கலந்து கொண்ட மாணவர்களில் அரசு பள்ளி மாணவர்கள் 2 பேரை தனியாக தேர்வு செய்து ஒவ்வொருவருக்கும் சிறப்பு பரிசு தொகை ரூ.2 ஆயிரம் வழங்கப்பட உள்ளது என கலெக்டர் பாஸ்கர பாண்டியன் தெரிவித்தார்.