இறந்து கரை ஒதுங்கிய ஆலிவர் ரெட்லி ஆமைகள்

வேதாரண்யம் பகுதியில் கடல் உள்வாங்குவதும், பிறகு சகஜ நிலைக்கு திரும்புவதும் அடிக்கடி நடக்கிறது. சில நேரங்களில் கடல் 3 கிலோமீட்டர் தூரம் வரை உள்வாங்குகிறது. இதன் காரணமாக கடற்கரை சேறாக மாறி விடுகிறது. முட்டையிட வரும் அரிய வகை ஆலிவர் ரெட்லி ஆமைகள் இந்த சேற்றில் சிக்கி இறந்து விடுகின்றன. இந்த நிலையில் நேற்று மாலை வேதாரண்யம் கடற்கரையில் 3 ஆலிவர் ரெட்லி ஆமைகள் இறந்து கரை ஒதுங்கின. அவற்றை கோடியக்கரை வனச்சரக அலுவலர் அயூப் கான் தலைமையிலான வனத்துறையினர் புதைத்தனர்.