வாகனம் மோதி மூதாட்டி சாவு

கறம்பக்குடி- புதுக்கோட்டை சாலையில் பெரிய அக்னி ஆற்று பாலத்தில் நேற்று காலை 80 வயது மதிக்கத்தக்க மூதாட்டி அடையாளம் தெரியாத வாகனம் மோதி ரத்த வெள்ளத்தில் பிணமாக கிடந்தார். இதுகுறித்து தகவல் அறிந்த கறம்பக்குடி போலீசார் சம்பவ இடத்திற்கு விரைந்து சென்று மூதாட்டியின் உடலை கைப்பற்றி பிரேத பரிசோதனைக்காக புதுக்கோட்டை அரசு மருத்துவக்கல்லூரி மருத்துவமனைக்கு அனுப்பி வைத்தனர். மேலும் இதுகுறித்து கறம்பக்குடி போலீசார் வழக்குப்பதிவு செய்து விபத்தில் இறந்த மூதாட்டி யார்?, அவர் எந்த ஊரை சேர்ந்தவர்?, அவர் மீது மோதிய வாகனம் எது என்பது குறித்து தீவிர விசாரணை நடத்தி வருகிறார்கள்.