கமலாலய குளத்தில் மூழ்கி முதியவர் பலி

திருவாரூர்;

திருவாரூர் கமலாலய குளத்தில் மூழ்கி முதியவர் உயிரிழந்தார்.

குளிக்க சென்றார்

திருவாரூர் மாவட்டம் கூத்தாநல்லூர் மேலத் தெருவை சேர்ந்தவர் முகமதுநஜீம்(வயது61). இவர் நேற்று கமலாலய குளத்தில் குளிக்க சென்றார். அப்போது முகமது நஜீம் முதலில் கரையில் குளித்து கொண்டிருந்த அவர் நீந்தி சிறிது தூரம் சென்றுள்ளார். அப்போது எதிர்பாராதவிதமாக அவர் தண்ணீரில் மூழ்கினார். இதை அப்பகுதியில் குளித்துக் கொண்டிருந்தவர்கள் பார்த்து திருவாரூர் தீயணைப்பு நிலையத்துக்கு தகவல் தெரிவித்தனர்.

பிணமாக மீட்பு

அதன்பேரில் சம்பவ இடத்துக்கு சென்ற தீயணைப்பு நிலைய வீரர்கள் தண்ணீரில் மூழ்கிய முகமது நஜீமை தேடினர். சுமார் 1 மணி நேரம் தேடுதலுக்குப் பிறகு முகமது நஜீம் பிணமாக மீட்கப்பட்டார். இதுகுறித்து திருவாரூர் நகர போலீசார் வழக்குப்பதிவு செய்து விசாரணை நடத்தி வருகின்றனர்.