எரியோடு அருகே ரெயில் மோதி மூதாட்டி பலி

எரியோடு அருகே உள்ள வைவேஸ்புரத்தை சேர்ந்த மல்லநாயக்கர் மனைவி காமக்காள் (65 வயது). விவசாய கூலித்தொழிலாளி. இவர் வழக்கம்போல் இன்று காலை தோட்டத்து வேலைக்காக சென்றார். அப்போது அங்குள்ள திண்டுக்கல்-கரூர் ரெயில் தண்டவாளத்தை கடக்க முயன்றார். அந்த நேரத்தில் மதுரையில் இருந்து கோவை நோக்கி சென்ற ரெயில் காமக்காள் மீது மோதியது.

இதில் சம்பவ இடத்திலேயே அவர் பரிதாபமாக இறந்துபோனார். இதுகுறித்து தகவல் அறிந்த திண்டுக்கல் ெரயில்வே போலீசார் சம்பவ இடத்திற்கு வந்து விசாரணை நடத்தினர். பின்னர் அவரது உடலை போலீசார் கைப்பற்றி பிரேத பரிசோதனைக்காக திண்டுக்கல் அரசு மருத்துவமனைக்காக அனுப்பி வைத்தனர். மேலும் போலீசார் வழக்குப்பதிவு செய்து விசாரணை நடத்தி வருகின்றனர்.