ஸ்பிக்நகர் அருகேமோட்டார் சைக்கிள் திருட்டு

ஸ்பிக்நகர்:

தூத்துக்குடி ஸ்பிக்நகர் அருகே உள்ள தென்றல் நகரை சேர்ந்தவர் பார்த்திபன் (வயது 32). இவர் கனநீர் ஆலை குடியிருப்பு எதிர்புறம், பேன்சி கடை நடத்தி வருகிறார். நேற்று காலையில் அவரது கடை முன்பு மோட்டார் சைக்கிளை நிறுத்தியிருந்தாராம். அதை மர்ம நபர் திருடி சென்று விட்டாராம். இது குறித்து அவர் கொடுத்த புகாரின் பேரில் முத்தையாபுரம் போலீஸ் சப்- இன்ஸ்பெக்டர் சேட்டைநாதன் வழக்கு பதிவு செய்து விசாரணை நடத்தி வருகிறார்.