மோட்டார்சைக்கிள்கள் மோதல்; வாலிபர் பலி

வலங்கைமான்

வலங்கைமான் அருகே உள்ள தில்லையம்பூர் ஆதிதிராவிடர் தெருவை சேர்ந்த சுந்தர் மகன் மதன்ராஜ் (வயது20). நேற்றுமுன்தினம் இவர் மோட்டார்சைக்கிளில் வீட்டில் இருந்து லாயம் வழியாக வலங்கைமானுக்கு சென்று கொண்டிருந்தார். அப்போது தட்டுமால் படுகையை சேர்ந்த கனகராஜ் மகன் கார்த்தி (22) என்பவர் ஓட்டிவந்த மோட்டார்சைக்கிள் எதிர்பாராதவிதமாக மதன்ராஜ் மோட்டார்சைக்கிள் மீது மோதியது. இதில் படுகாயமடைந்த மதன்ராஜை அக்கம்பக்கத்தினர் மீட்டு ஆஸ்பத்திரிக்கு கொண்டு சென்றனர். அங்கு மதன்ராஜை பரிசோதனை செய்த டாக்டர்கள் அவர் ஏற்கனவே இறந்துவிட்டதாக தெரிவித்தனர். விபத்தி்ல் படுகாயமடைந்த கார்த்தி கும்பகோணத்தில் உள்ள ஒரு தனியார் ஆஸ்பத்திரியில் சேர்க்கப்பட்டு சிகிச்சை பெற்று வருகிறார். இதுகுறித்து வலங்கைமான் போலீசார் வழக்குப்பதிவு செய்து விசாரணை நடத்தி வருகின்றனர். மேலும் மதன்ராஜ் உடலை கைப்பற்றி பிரேத பரிசோதனைக்காக மன்னார்குடி அரசு ஆஸ்பத்திரிக்கு அனுப்பிவைத்தனர்.