மதர் மெட்ரிக் மேல்நிலைப்பள்ளி ஆண்டு விழா

ராணிப்பேட்டை மாவட்டம் கலவை மதர் மெட்ரிக் மேல்நிலைப் பள்ளியில் 19-வது ஆண்டு விழா கலவை சச்சிதானந்த சுவாமிகள் தலைமையில் நடைபெற்றது. பள்ளி தாளாளர் வசந்தி முன்னிலை வகித்தார். பள்ளி முதல்வர் சுகுணா வரவேற்றார்.

சிறப்பு அழைப்பாளராக கலெக்டர் பாஸ்கர பாண்டியன் கலந்து கொண்டு கலைநிகழ்ச்சியை தொடங்கி வைத்தார். பின்னர் கடந்த ஆண்டு பிளஸ்-2 தேர்வில் முதல் மதிப்பெண் பெற்ற மாணவிக்கு நினைவு பரிசு வழங்கி பேசினார்.

விழாவில் ஸ்ரீபுரம் நாராயணி மருத்துவமனை இயக்குனர் பாலாஜி, ரத்தினகிரி பகீரதன் மேல்நிலைப்பள்ளி நிர்வாகி குருபரன், ஆற்காடு மகாத்மா காந்தி முதியோர் இல்ல தலைவர் லட்சுமணன், ஓய்வு பெற்ற கால்நடை மருத்துவர் தியாகராஜன் ,முன்னாள் பள்ளி பெற்றோர் ஆசிரியர் கழக தலைவர் ரங்கநாதன் உள்பட பலர் கலந்து கொண்டனர்.

விழாவில் பள்ளி மாணவ-மாணவிகளின் கலை நிகழ்ச்சிகள், வீரபாண்டிய கட்டபொம்மன் நாடகம் ஆகியவை நடந்தது. இதனை மாணவ-மாணவிகள், பெற்றோர்கள், பொதுமக்கள் கண்டு ரசித்தனர்.