மோட்டார்சைக்கிள் மோதி மேஸ்திரி பலி

கண்ணமங்கலம்

வேலூர் பாலமதியை சேர்ந்தவர் மணிகண்டன் (வயது 36), கட்டிட மேஸ்திரி.

இவர் இன்று காலை கேளூர் சந்தைமேட்டில் ரோட்டை கடக்க முயன்றார். அப்போது திருவண்ணாமலை நோக்கி சென்ற மோட்டார் சைக்கிள் மணிகண்டன் மீது மோதியது.

இதில் அவர் சம்பவ இடத்திலேயே பரிதாபமாக உயிரிழந்தார்.

இதுகுறித்து தகவலறிந்த சந்தவாசல் போலீஸ் சப்-இன்ஸ்பெக்டர் மகேந்திரன் மற்றும் போலீசார் சம்பவ இடத்திற்கு விரைந்து வந்து பிணத்தை கைப்பற்றி பிரேத பரிசோதனைக்கு வேலூர் அடுக்கம்பாறை அரசு மருத்துவமனைக்கு அனுப்பி வைத்தனர்.

மேலும் போலீசார் வழக்குப்பதிவு செய்து விசாரணை நடத்தி வருகின்றனர்.