மேகதாது விவகாரம்: முதல்-அமைச்சருடன் அமைச்சர் துரைமுருகன் இன்று ஆலோசனை

சென்னை,

கர்நாடகத்தில் உற்பத்தி ஆகும் காவிரி உபரி நீரை பயன்படுத்த தமிழ்நாடு சட்டவிரோத திட்டங்களை அமல்படுத்துவதாக மத்திய அரசிடம் அம்மாநில துணை முதல்-மந்திரி டி.கே.சிவக்குமார் பரபரப்பு புகார் கூறியுள்ளார். மேலும் மேகதாது திட்டத்திற்கு உடனே அனுமதி வழங்கவும் அவர் வலியுறுத்தியுள்ளார்.

இந்த நிலையில் மேகதாது விவகாரம் குறித்து இன்று (திங்கட்கிழமை) முதல்-அமைச்சர் மு.க.ஸ்டாலினுடன் அமைச்சர் துரைமுருகன் ஆலோசனை நடத்த உள்ளார். இது தொடர்பாக அமைச்சர் துரைமுருகன் கூறும்போது, "மேகதாது விவகாரம் குறித்து இன்று காலை முதல்-அமைச்சர் மு.க.ஸ்டாலினுடன் ஆலோசனை நடத்த உள்ளேன். முதல்-அமைச்சருடன் ஆலோசித்துவிட்டு டெல்லி சென்று காவிரி மேலாண்மை வாரியத்திலும் மேகதாது குறித்து ஆலோசிக்க உள்ளேன்" என்று கூறினார்.

மேலும் கூறுகையில், மேகதாதுவில் அணை கட்ட ஒருபோதும் அனுமதிக்க மாட்டோம்.. கர்நாடக அரசால் மேகதாதுவில் அணை கட்ட முடியாது என கூறினார்.